Asteazkenean, hilak 22, izango da Santa Zezilia eguna, baina musikarien zaindariaren omenez urtero ekitaldiak egiten dituzten eskualdeko talde gehienek asteburu honetara aurreratu dituzte ospakizunak. Hori da, esate baterako, Azkoitiko Bizkargi Musika Eskolakoen eta Azpeitiko Udal Musika Bandakoen kasua. Bizkargikoek atzo kalean eta Elkarguneko jaialdian izan zituzten hitzorduak (ikusi argazki gehiago
Maxixatzen.eusen). Azpeitiko Bandakoek, berriz, gaur ospatu dute Santa Zezilia; kalejiran ibili ondoren, 19:00etan Azoka Plazan elkartu dira, kontzertua emateko.