11:00etan, 12:00etan, 13:00etan, 17:00etan eta 18:00etan egingo dituzte. Horrez gain, besteak beste, La Roblako Burdinbidearen 125. urtemugako erakusketa inauguratuko dute.
Bisitariak Burdinbidearen Euskal Museoan.
Burdinbidearen Euskal Museoak 23. urteurrena ospatuko du bihar, larunbata, eta egitarau berezia antolatu dute egun horretarako. Horrela, ohi baino irteera gehiago egingo dituzte Azpeitia eta Lasao artean, eta erakusketa berri bat ere irekiko dute.
Bost tren historiko jarriko dituzte martxan bihar museoan, eta beste horrenbeste joan-etorri eskainiko dituzte: 11:00etan, Allan 301 automotore dieselarekin; 12:00etan, Zugastieta lurrun makinarekin; 13:00etan, Aurrera lurrun makinarekin; 17:00etan, Alsthom 1004 diesel makinarekin; eta 18:00etan, Portugal lurrun makinarekin. Bestalde, museoko tren historikoetan Lasaora joan-etorria egiteko aukera ere izango da bihar, 12:30ean.
Horiez gain, museoan bertan, Espinal lurrun makina eta Grafton lurrun garabia piztuko dituzte egunean zehar. Halaber, Nafarroako Burdinbidearen Lagunen Elkarteko kideak ere Azpeitian izango dira, modelismoko tren txikiak (lurrunezkoak, dieselak eta elektrikoak) gidatzeko.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide