Azpeitiko Alde Zaharra eta inaziotar guneak ezagutzeko bisita gidatua egingo dute igandean

Azpeitiko garbitokia. (Ignaziotar Lurraldea) Abuzturako prestatutako bisita gidatuak bukatuta, irailean ere Azpeitiko txokoak ezagutzeko aukera eskaintzen jarraitzen dute herriko turismo eragileek. Horrela, iganderako, hilak 10, Alde Zaharreko Erdi Aroko almendra deritzona ezagutzeko bisita prestatu dute. Bisita horren barruan, Loiolako Inaziorekin zerikusia duten gune eta eraikinetan geldialdiak egingo dituzte, "santuarekin duten lotura azalduz, dena Azpeitiko bilakaera historikoaren testuinguruan". Plaza Txikiko turismo bulegotik abiatuko dute ibilbidea, 12:00etan, eta bisitan parte hartu nahi dutenek bertara ordurako azaltzea besterik ez dute.