Espainiako Hirugarren mailako bi taldeek abuztuaren 26-27ko asteburuan jokatuko dute 2017-2018 denboraldiko lehen partida. Gaur egin dute egutegiaren zozketa.
Gaur eguerdian egin dute Euskadiko Futbol Federazioaren egoitzan 2017-18 denboraldiko Espainiako Hirugarren Mailako laugarren multzoko egutegiaren zozketa. Urola Kostan, bi talde daude maila horretan: Azkoitiko Anaitasuna eta Azpeitiko Lagun Onak. Abuztuaren 26-27ko asteburuan jokatuko dituzte denboraldiko lehen partidak; Anaitasunak Deustoren aurka, etxean, eta Lagun Onakek Santurtziren aurka, kanpoan.
Hamargarren jardunaldian jokatuko dute lehen derbia, urriaren 22-23ko asteburuan, Azpeitiko Garmendipen. Bigarren derbia, berriz, 29. neurketan jokatuko dute, 2018ko martxoaren 10-11ko asteburuan, Txerloian.
Maiatzaren 12-13ko asteburuan bukatuko dute futbolariek denboraldia. Anaitasunak Santurtziren aurka neurtuko ditu indarrak, etxetik kanpo; Lagun Onakek, berriz, Portugalete hartuko du etxean.
Ikusi egutegia osorik lotura honetan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide