Kantu-jira arroxako kideak iaz, Eguzkitza aurrekoplazatxoan. (Argazkia: Uztarria.eus)
Zapi arroxak lepoan jantzita, kantu-jiran aterako dira bihar, Santio Eguna, Kantu-jira taldea, Hazparneko kantu jirakoak eta Marea Arroxako kideak. Saioa, urtero bezala, Azpeitiko San Martin egoitzan hasiko dute 18:00etan, baina antolatzaileek adierazi dutenez, ordu laurden bat lehenago bilduko dira, emanaldia puntual hasteko. Era berean, Kantu-jira taldeko kide ez izan arren, kanturako gogoa duen edonor gonbidatu dute saioan parte hartzera.
Hona hemen Kantu-Jira arroxak bihar egingo duen ibilbidea:
- 18:00-18:30: San Martin egoitza.
- 18:30-19:00: Pastorkua aurreko plaza.
- 19:00-19:30: Eguzkitza aurreko plaza txikia.
- 19:30-20:00: Etxe Zuri aurreko plaza txikia.
- 20:00-20:30: Enparantza Nagusia.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide