Uztailaren 15ean jokatuko dute Larrabetzun. Beste kanporaketa Usansoloren eta Donezteberen artekoa izango da.
Euskal Herriko Herriarteko Pilota Txapelketako kanporaketak eta finala Larrabetzun (Bizkaia) jokatuko dira uztailaren 15ean eta 21ean, hurrenez hurren. Euskal Herriko lehiara Azpeitia (Gipuzkoa), Gasteiz (Araba), Doneztebe (Nafarroa) eta Usansolo (Bizkaia) sailkatu dira.
Kanporaketak partida bakarrera jokatuko dituzte, Larrabetzun. Zozketa egin eta Azpeitiari Gasteizen kontra jokatzea egokitu zaio; beraz, beste finalista Usansolo eta Donezteberen artean erabakiko da. Uztailaren 15ean (larunbata) jokatuko dira bi neurketak: 10:30ean Usansolo-Doneztebe eta 17:00etan Azpeitia-Gasteiz.
Finala, berriz, uztailaren 21ean (ostirala) jokatuko da, 19:00etan, hori ere Larrabetzun.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide