Argazki bilduma: Giro ederrean ekin diote bi ordu inguruko txangoari Azpeitia Motor Festibaleko motorzaleek

Gaur, goiz eta eguerdi partean, giro bikaina izan da, Azpeitiko I. Ardo Txuri Egunaren harira, eta artean jendea jan-edanean ari zela, Ducati, Suzuki, Harley Davidson, BMW, Honda eta Yamaha markako dozenaka motor hasi dira bertaratzen Perez Arregi plazara. Bigarren urtez antolatu dute Azpeitia Motor Festibala, eta 15:30ak ondo jota zirela, eguneko txangoari ekin diote, Perez Arregitik Erdikalean gora. Pare bat orduren bueltan itzuliko dira plazara eta, 17:45ean, kontzertuen txanda iritsiko da. Bost taldek joko dute aurtengo jaialdian, afariarentzat tartea hartuta; AC/DC taldearen bertsioak jotzen dituen Black Ice taldearena izango da kontzertu nagusia, eta azkena. Honako hau da kontzertuen egitaraua eta ordutegia:

• 17:45. Desira.
• 18:45. Hyronika.
• 19:45. Incursed.
• Afaria.
• 22:15. Marmok.
• 23:30. Black Ice.

Hona hemen II. Azpeitia Motor Festibalean hartutako irudiekin osatutako bilduma:

[flickr_set id="72157682278122623"]