Azpeitiko Lagun Onak Futbol Taldeak Igor San Miguel entrenatzaile berria aurkeztu du. Lagun Onakeko 3.mailako taldearen gidaritza hartuko du datozen egunetan.
Xabier Alberdi, Igor San Miguel, Iosu Osa eta Aitor Zubizarreta. (Lagun Onak)
Atzo, osteguna, aurkeztu zuen Azpeitiko Lagun Onak Futbol Taldeak Igor San Miguel entrenatzaile berria, Garmendipen. Bertan izan ziren Iñigo Arregi, Lagun Onakeko lehendakaria eta talde tekniko berria.
Astelehenean aurreratu bezala, Igor San Miguel astigarragarrak Lagun Onakeko 3.mailako taldearen gidaritza hartuko du datozen egunetan. San Miguel, bi urtez Realeko emakumeen lehen taldea entrenatzetik dator. Aurrez, jokalari ere izan zen, besteak beste, Reala Bn, Real Unionen, Recreacion, Zamora eta Logroñes taldeetan.
"Sekulako gogoarekin" dagoela esan zuen Urola Kostako Hitzak eginiko elkarrizketan eta Realarekin egin beharrekoak egindakoan jarriko dela "buru-belarri" lanean.
Aldamenean izango ditu Aitor Zubizarreta (irudian eskuinetik aurrena), bigarren entrenatzaile lanetan; Iosu Osa (eskuinetik bigarrena) prestatzaile fisikoa eta Xabier Alberdi (ezkerretik lehena) kirol zuzendaria. Talde teknikoa osatzeko, David Tejera izango da atezainen entrenatzailea.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide