Kadeteetan 22-17, jubeniletan 22-9 eta seniorretan 22-10 gailendu dira bart azpeitiarrak, Frontoi Txikian. Datorren asteburuan jokatuko dituzte itzulerako partidak, Azkoitiko Gurean.
Kadete mailako partidaren amaierako irudia. (Ilunpe Pilota Elkartea)
Azpeitiak eta Azkoitiak bart jokatu dute esku-pilotako Gipuzkoako Herriarteko Txapelketaren finalaurdenetako kanporaketaren joanekoa, Azpeitiko Frontoi Txikian. Egungo txapeldunak, Azpeitiak, alde nabarmena lortu du datorren asteburuan Azkoitiko Gurean jokatuko den itzulerakoari aurre egiteko: 3-0 nagusitu dira azpeitiarrak.
Kadete mailan, Alberdik eta Unanuek 22-17 irabazi diete Azkoitiari eta Urangari. Jubeniletan, berriz, Alberdik eta Egigurenek 22-9 hartu dituzte mendean Cuevas eta Azkoitia. Eta seniorretan, azkenik, Murgiondo eta Apezetxea 22-10 gailendu dira, Unanueren eta Zendoiaren kontrakoan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide