Sortu zenetik gaur arte egin duen ibilbidea jaso dute bertan, egitasmoa guztien argazki bilduma baten bidez. Foruen Ibilbideko udal aretoan dago ikusgai, ekainaren 3a arte.
'Erabakiaren erakusketa'-ko argazki batzuk. (Elena Marguello)
Azpeitiko Gure Esku Dagok atzo ireki zuen Erabakiaren erakusketa, taldearen ibilbidea jasotzen duen argazki bildumarekin osatu duena. 2013ko irailaren 24ko aurkezpena, giza katea, herri galdeketa, lipdub-a eta iazko ekainaren 5eko bozketaren eguneko argazkiak daude ikusgai, besteak beste.
Foruen Ibilbideko udal aretoan jarri dute erakusketa, eta ekainaren 3a arte bisita daiteke. Astelehenetik ostiralera 17:30etik 20:00etara irekiko dituzte ateak; eta, astearte eta larunbatetan, goizez ere bai, 10:30etik 12:30era.
Ikusi argazki gehiago Uztarria.eusen.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide