Irribarria-Zabaleta eta Altuna III-Rezusta parez pare arituko dira Urrestillan

Ekainaren 16an, ostiralean, bi pilota partida jokatuko dira Urrestillako Txikuri Pilotalekuan, San Juan festetako egitarauaren barruan. 22:00etan hasita, lehenengo Ugalde eta Merino I.a, Errandonearen eta Irustaren aurka arituko dira; eta, jarraian, Irribarria eta Zabaleta, Altuna III.aren eta Rezustaren aurka. Sarrerak salgai daude jada Urrestillako Lorea eta Auntxa tabernetan. Antolatzaileek jakinarazi dutenez, eserleku guztiak agortu dira eta zutikako sarrerak bakarrik gelditzen dira salgai.