Hondarribian izan zen kanporaketa, eta azpeitiarrak ez zuen aurrera egiteko txartelik lortu. Joseba Otaegik eta Ruben Saralegik jarraituko dute txapelketan.
Atzoko Urrezko Aizkolarien lehian aritu ziren kirolariak. (Egurre)
Mikel Larrañaga aizkolari azpeitiarra Urrezko Banakako Aizkolarien Txapelketatik kanpo gelditu zen atzo eguerdian. Hondarribian izan zen kanporaketa, eta azpeitiarrak ez zuen finalaurrekorako txartelik lortu. Joseba Otaegik eta Ruben Saralegik jarraituko dute txapelketan, igandean egindako denborak tarteko.
Joan den astean Zumaian jokatu zuten kanporaketa, eta irabazi egin zuen Larrañagak. Atzorako txartela eskuratu zuen orduko hartan azpeitiarrak.
Datorren uztailaren 1ean Alex Txikonen aurkako apustua izango du Mikel Larrañagak, Azpeitiko zezen plazan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide