Larunbatean, hilak 6, irtengo dira Azpeititik Xoxotera, eta han igaroko dute gaua. Igande goizean abiatuko dira Kakutera, eta arratsaldean itzuliko dira Azpeitira. Bihar arte eman daiteke izena txangoan parte hartzeko.
(Lagun Onak MB)
Igandean, maiatzak 7, Kakuteko Eguna izango da, eta horren aitzakian ibilaldia antolatu du Azpeitiko Lagun Onak Mendi Bazkunak astebururako. Larunbatean, 16:00etan anbulatorio aurretik irtengo dira, autobusez zein oinez. Autobusez doazenak Aittolara eramango dituzte, eta handik oinez igoko dira Xoxotera.
Gaua Xoxoteko aterpetxean pasatuko dute, eta norberak eraman beharko ditu izara eta lotarako zakua. Igandean, hilaren 7an, abiatuko dira Kakutera. Bazkaltzera aterpera itzuliko dira, eta bertan bazkaldu ostean, arratsalde partean jaitsiko dira Azpeitira, oinez.
Ibilaldira joan nahi dutenek ostegunera arte eman dezakete izena, Lagun Onak Mendi Bazkunaren webgunean. Umeek 27 euro ordaindu beharko dute eta helduek 35 euro, gosaria eta bazkaria barne. Bazkide ez direnek bost euro gehiago ordaindu beharko dituzte.
Azkoitiko Anaitasuna Mendi Bazkunak igandean ospatuko du Kakuteko Eguna.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide