Artziniega, Amurrio eta Orduña ezagutzeko aukera izango dute txangora joaten direnek. Dagoeneko eman daiteke ibilaldirako izena, Baigeraren bulegoan, 10:30etik 12:30era bitartean.
Baigera Azpeitiko Jubilatuen eta Pentsiodunen Elkarteak Artziniega, Amurrio eta Orduña bisitatzeko ibilaldia antolatu du apirilaren 27rako. Dagoeneko eman daiteke txangorako izena, Baigeraren bulegoan, 10:30etik 12:30era bitartean.
Hilaren 27an, ostegunez, 08:30ean hartuko dute Artziniegara joateko autobusa, eta han igaroko dute goiza. 11:00ak aldera Artziniegako Museo Etnografikoa bisitatuko dute, eta, ondoren, hamaiketakoa egingo dute. Mokadutxoa norberak eraman beharko du, eta edariaz Baigera arduratuko da. Goiza pasatuta, Amurriora joango dira bazkaltzera; Ruperto jatetxera, hain zuzen. Arratsaldean, aldiz, Orduñara joango dira autobusean, eta han herria ezagutzeko denbora librea izango dute.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide