Maiatzaren 15era arte eman daiteke izena paella txapelketan, eta Sarek bertan parte hartzeko dei egin die herritar orori. Salatzen Dut Eguna maiatzaren 20an, zapatua, ospatuko dute.
Azpeitiko Sarek paella txapelketa antolatu du aurtengo Salatzen Dut Egunerako. Maiatzaren 20an ospatuko dute presoen eskubideen aldeko egun Azpeitian, eta egun horretako egitarauan izango diren berrikuntzetako bat da paella txapelketa.
Egitasmoan parte hartzeko izen-ematea binaka egitea gomendatzen du Azpeitiko Sarek. Paella egiten duten bi lagunek herri bazkarirako txartela doan izango dute, eta beraiek prestatutako paella beraiekin doazen lagunek jateko aukera izango dute. Sei edo zortzi lagunentzako paella prestatu beharko dute parte-hartzaileek, eta paellera, arroza eta osagarriak beraiek eraman beharko dituzte. Azpiegitura (sua, haima...), antolatzaileen esku egongo da. Plazan izango da txapelketa, 13:00etan hasita.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide