Azkoitia-Azpeitia maratoi erdia egingo da bihar eta horrek hainbat aldaketa eragingo ditu Azpeitiko eta Azkoitiko geltokietan. Azkoitian ordu jakin batzuetan aldatuko dira geltokiak:
- UK 05: Zestoa-Eibar-Ermua: Ermutik 16:40ean irteten den zerbitzuak ezingo du Azkoitira sartu. Autobusa bariantetik joango da eta geltokiak Altzibarko biribilgunean eta Txeloian izango dira.
- UK 06: Zumaia-Zumarraga: Zumaiatik 16:45ean irteten den zerbitzuak ezingo du Azkoitira sartu. Geltokiak Etxe Zuri eta igerilekuaren arteko bidegurutzean eta Altzibarko biribilgunean izango dira.
Azpeitian, berriz, lasterketak irauten duen bitartean, 15:30etik 19:30era bitartean geltoki guztiak lekuz aldatuko dira:
- Loiolako geralekua Tren geltoki zaharraren aurrealdean.
- Sanjuandegiko geltokia suhiltzaileen parke aurrean.
- Anbulategiko geralekuan ez da autobusik geldituko.
- Estazioko eta Julian Elorzako geltokia bariantean, Tren Museoko oinezko zubi aurrean.
La Guipuzcoanatik jakinarazi dutenez, lasterketak irauten duen bitartean atzerapenak aurreikusten dira.
