'Azpeitia-Hazparne. 30 urte. Bi herri pausoz pauso' egitasmoaren laugarren etapan dagoeneko eman daiteke izena

(Argazkia: Lagun Onak Mendi Bazkuna) Azpeitia-Hazparne. 30 urte. Bi herri pausoz pauso egitasmoko laugarren etapa apirilaren 8an egingo dute, eta ibilbidea egin nahi dutenek dagoeneko eman dezateke izena Lagun Onak Mendi Bazkunaren elkartean edo webgunean. Hondarribiatik Sarara joango dira ibiltariak, eta 30 kilometro inguruko ibilaldia izango da. 07:30ean irtengo dira Azpeitiko anbulatoriotik Hondarribiara, autobusez. Handik txalupaz Hendaiara joango dira, eta han ekingo diote ibilbideari. Biriatu aldera igaroko dira ondoren, eta handik Ibardingo mendatera igoko dira. Behin hara iritsita, Sarara joango dira GR-10 bidetik. Ibilbide erdia egiteko aukera ere izango da, Hondarribiatik Ibardingo mendatera arteko zatia edo hortik Sarara artekoa.