Azkoitiko Garbigunean udako ordutegia jarriko dute martxan astelehenetik aurrera

Azkoitiko Garbigunean udako ordutegia jarriko dute martxan datorren astelehenetik –martxoak 27– aurrera. Goizez, 09:00etatik 13:00etara zabalduko dute, lehen bezala, eta, arratsaldez, 17:00etatik 19:00etara. Arratsaldeko ordutegia izango da aldatuko dena; izan ere, neguan 15:30etik 17:30era irekitzen dute. Azkoitiko Garbigunea larunbat goizez ere zabaltzen dute, 10:00etatik 13:00etara, neguan zein udan. Azpeitiko Garbigunean, Lapatxen, ez da ordutegia aldatuko. Astelehenetik ostiralera, 08:00etatik 13:00tara eta 15:00tatik 18:00tara irekitzen jarraituko dute. Larunbatetan, berriz, 10:00tatik 13:00era irekiko dute, eta, abuztuan, 08:00tatik 13:00etara. Garbigune kanpoan hondakinak uztea debekatuta dagoela gogorarazi nahi izan du Urola Erdiko Mankomunitateak.