Xanti Rodriguezen irudi bat Munduko Argazki Koparen lehian
Azpeitiarraren irudi bat hautatu du Espainiako Argazkigintzako eta Irudigintzako Profesionalen Federazioak, eta Espainiako taldearekin lehiatuko da azpeitiarra, beste 16 argazkilarirekin batera.
Rodriguezen irudi hau aukeratu dute koparako. (Xanti Rodriguez)
Xanti Rodriguez (Azpeitia, 1978) argazkilariaren irudi bat hautatu dute Munduko Argazki Koparako (WPC). Azpeitiarrak Islandian ateratako argazkia aukeratu du Espainiako Argazkigintzako eta Irudigintzako Profesionalen Federazioak (FEPFI), eta Espainiako taldean izango da beste 16 argazkilarirekin batera.
Munduko Argazki Kopako epaimahaiak datorren urtarrilaren 9an jakinaraziko du zein talde igaroko diren finalera, Texasen (AEB) egingo duten ekitaldi batean.
Ez da azpeitiarraren irudi bat Munduko Argazki Koparako aukeratzen duten lehen aldia; izan ere, 2013an ere Rodriguezen Alizia irudia hautatu zuten.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide