Gipuzkoako Bakarkako Xake Txapelketan, eskualdeko hirugarren mailakoan hirugarren sailkatu eta datorren urtetik aurrera bigarren mailan aritzeko txartela irabazi zuen azpeitiarrak joan den asteburuan. "Urte asko neramatzan horren atzetik, segi eta segi. Sekula ez nuen lortzen, eta oraingo honetan bai", dio Azpeitiko Xake Taldeko kideak.
Iñaki Uranga Odriozola. (Mailo Oiarzabal)
16 urte zituenetik ari da federatuta xakean jokatzen Iñaki Uranga Odriozola (Azpeitia, 1978). Urte horietan guztietan saiatu da xakearen koska oinarrizkoena den hirugarren mailatik bigarrenerako jauzia ematen. Eta aurten, hasieran txapelketan parte hartzeko asmorik ere ez zuenean, iritsi zaio saria. Horretaz, eta herriko xake taldeaz ere bai, hitz egin du Uztarriarekin.
Noiz hasi zinen xakean jokatzen?
Txikitatik jokatu izan dut. Etxean ikasi nuen, uste dut anaiak irakatsi zidala. 16 urterekin, lagun batek esan zidan Azkoitian bazela klub bat; ondo hitz egin zidan haietaz eta han hasi nintzen, federatuta jokatzen eta lehiaketetan parte hartzen, Azpeitian taldea sortu zen arte.
Zer suposatzen du zuretzat hirugarren mailatik bigarrenera igotzeak?
Pertsonalki poza eman didan zerbait da. Urte asko neramatzan horren atzetik, segi eta segi. Sekula ez nuen lortzen, eta oraingo honetan bai.
Espero al zenuen aurten lortzea?
Ez! Gainera, hasieran ez nuen txapelketan parte hartzeko asmorik ere. Azken orduan batek baja eman zuen, taldea osatzeko norbait behar zuten, parte-hartzaile kopurua bakoitia ez izateko, eta horregatik sartu nintzen. Txapelketa aurrera zihoan heinean aukera ikusi nuen, eta dena ematera joan nintzen.
Jarraitu elkarrizketa irakurtzen, Uztarria.eus-en.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide