Jose Ignacio Asensio Gipuzkoako Ingurumen diputatuak gaur jakinarazi du zer hiru enpresa talde lehiatuko diren erraustegiaren lehen faseko lanak egiteko. Honako hauek dira enpresa talde horiek:
- Construcciones y Promociones Balzola S.A. Valoriza Servicios Medioambientales S.A. eta Valoriza Gestion SA
- Meridiam Investments SAS, Urbaser S.A., Altuna y Uria S.A., Construcciones Moyua S.L., Construcciones Murias S.A. eta LKS Ingenieria S.COOP
- Fomento Construcciones y Contratas eta Sartech Engineering.
Asensiok esan duenez, "eskaintzak aurkeztu dituzten enpresen garrantzia eta esperientziari esker, teknologiarik onenak erabiliko dira. Proiektuak ingurumen bermerik handienak eta Europako herrialde garatuenek dituzten irtenbideak izango ditu". Gainera, positibotzat jo du tokiko enpresek lizitaziora aurkeztu diren taldeetan parte hartzea: "Tokiko enpresen presentzia garrantzitsua da, izan ere, inbertsioa Gipuzkoara itzultzea posible egiten baitu, aberastasuna eta lanpostuak sortuz".