Iazko urrian Agustin Zubikarai beka jaso zuen gazteak, eta urtebetez liburua idazten aritu ostean, gaur egin du haren aurkezpena Donostiako Elkar aretoan. Biharko UROLA KOSTAKO HITZA egunkarian Gorrotxategiri eginiko elkarrizketa irakurri ahalko da.
Miren Gorrotxategi erdian, Elkar aretoan egindako aurkezpenean. (Elkar)
Miren Gorrotxategi (Azpeitia, 1981) idazleak gaur, asteazkena, aurkeztu du 33 ezkil bere lehen eleberria. Iazko urrian Agustin Zubikarai beka jaso zuen gazteak, eta urtebetez liburua idazten aritu ostean, gaur egin du haren aurkezpena Donostiako Elkar aretoan. Ondarroako Udalak eta Elkar argitaletxeak eleberri bat idazteko urtebeterako ematen duten beka da Agustin Zubikarai izenekoa, eta 33 ezkil lana idazteko du diru-laguntza jaso zuen Gorrotxategik. Nobela thriller generoko lana da, eta salgai jarri dute dagoeneko Elkar dendetan.
Bihar, osteguna, Ondarroan izango da Gorrotxategi; izan ere, bihar jasoko du Katixa Agirrek aurtengo Agustin Zubikarai beka, eta, ohikoa denez, iazko bekaren irabazlea ekitaldian izango da.
Biharko UROLA KOSTAKO HITZA egunkarian argitaratuko da Gorrotxategiri egindako elkarrizketa.
Elkar argitaletxeak aurkezpenaren bideoa egin du:
https://www.youtube.com/watch?v=3SNnwaIe3Xk
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide