Herri Eskolak egin dituzte hainbat ikaslek Azpeitian, "jaiegun arrotzak desobeditzeko"

(Maialen Etxaniz) Hogeita hamar lagun inguru bildu dira gaur, urriak 12, Azpeitiko Ernaik eta Azpeitiko Ikasle Abertzaleakek antolatutako Herri Eskoletan. Gaurkoa "jaiegun inposatua" dela iritzita antolatu dute, eta 11:00etan hasi dira prestatutako ekimenekin, plazan. Hezkuntza erreformen inguruko hitzaldia izan da aurrena, eta bertan LOMCE, Heziberri eta EU2015 erreformak izan dituzte hizpide, besteak beste. Ondoren, hainbat jolas egin dituzte NANak erabilita, NAN jaurtiketa kasu. Ikusi argazki gehiago Uztarria.eus atarian.