Vianan eta Lodosan ospatuko dute urriaren 16an Nafarroako ikastolen aldeko festa. Urriaren 14a izango da joan-etorria egiteko autobusean izena emateko azken eguna.
Urriaren 16an, igandez, ospatuko dute Vianan eta Lodosan Nafarroako ikastolen aldeko Nafarroa Oinez jaia, Hartu, tenka, tira! lelopean. Azpeitiko Ikastola Ikasberrik hara joateko autobusa antolatu du urteroko legez. 09:00etan aterako da autobusa anbulatorio aurretik eta 18:00etan jarri dute itzulerako ordua. Dagoeneko eman daiteke izena Ikasberri ikastolako idazkaritzan. Urriaren 14a, ostirala, izango da izena emateko azken eguna, eta 13:00ak baino lehen eman beharko da izena. Autobuseko joan-etorriagatik 10 euro ordaindu beharko da.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide