Udaletik jakinarazi dute beraien "borondatearen aurka" jarri dutela bandera. Azpeitiko, Gipuzkoako eta Europako banderekin eta ikurrinarekin batera jarri dute Espainiakoa.
Bost bandera jarri dituzte Azpeitiko udaletxeko etxe-aurrean: Azpeitikoa, Gipuzkoakoa, ikurrina, Espainiakoa eta Europakoa. Azpeitiko Udaleko webgunean jakitera eman dutenez, udaletxean Espainiako bandera jartzearen inguruko "sententzia irmoa" jaso dute EAEko Auzitegi Nagusitik, bost urteko epaiaren ostean; eta lau banderak jartzea erabaki dute. Sententziaren arabera, bandera jarri ezean, "isun esanguratsua" jasoko du udalak, eta alkatea inhabilitatuko dute. Hori dela-eta, udaletik adierazi dute beraien "borondatearen aurka" jarri dutela bandera fatxadan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide