Aurten ere 23 sagardogilek hartuko dute parte Santio eguneko zitan. Aurretik bihar, ostirala, bertso-txotxa egingo dute Sanagustinpean. Lehiaketak 44. edizioa beteko du, jarraian egin dituen urteak kontuan hartuta. Guztira, ordea, 49 aldiz egin da, eta datorren urtean iritsiko den mende erdia ospatzeko lanean hasiak dira antolatzaileak.
(Uztarria.eus)
Urtero legez, Elosiagako Añota sagardotegian elkartu ziren herenegun, asteazkena, Azpeitiko Sagardo Txapelketaren antolatzaileak eta babesleak, Santio egunean 12:00etan hasita plazan egingo den 44. edizioa aurkezteko. Aurten ere 23 sagardogilek hartuko dute parte, "arkupeek ematen duten adina", eta bi txapel banatuko dituzte: epaimahaiak emandako sari nagusia eta herritarrena. Azken hori elkarteetako kideek plazako 23 postuetako sagardoak dastatu ondoren erabakitzen dutena da. Sari nagusirako erabakia, berriz, bi txandatan hartzen du epaimahaiak: lehen txandan aurkeztutako 23 sagardogileen sagardoak dastatzen dituzte, eta hor puntuazio onena lortzen duten hamar-hamabi aurrenak dastatzen dituzte bigarrenean.
Jarraitu albistea irakurtzen uztarria.eus atarian.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide