4.781 herritarrek eman dute botoa Azpeitiko herri galdeketan, ehuneko 39,37k

Hitzartukoak parte-hartze datua ematen Azpeitiko plazan (Ana Abarisketa/Hitza). 4.781 herritarrek, %39,37k eman dute botoa gaur Azpeitian egin den independentziaren inguruko herri galdeketan, hala jakinarazi du Hitzartuk hauteslekuak itxi eta berehala. Orain arte Azpeitian egin diren herri galdeketetatik parte-hartze handiena izan du gaurkoak, independentziaren ingurukoak. 1978an Espainiako Konstituzioari buruzkoa egin zen, herritarren %20k hartu zuen parte; eta, Europar Batasunari buruzkoa, berriz, 2005ean, eta parte hartzea %30,7koa izan zen. Herrian jarri dituzten zortzi hauteslekuak 09:00etatik 20:00ak bitartean egon dira zabalik. - Arratsaldeko 17:00etako parte-hartze datua 2.887koa izan da. - Eguerdian ere eman dituzte parte-hartze datuak. - Urola Kosta eskualdeko beste herrietan ere hasi dira erabakitzeko olatua prestatzen. - Goizak utzi duena Azpeitian, bideoan.