Eduki hau partekatzeko esteka arbelera kopiatu da.
Azpeitiko Matxinbenta auzoan santagedak ari dira ospatzen egun hauetan. Gaur, larunbata, arratsaldean haurrak izan dira jaietako protagonistak. Haurrentzako puzgarriak egon dira auzoko frontoian, eta gainera pailazoen ikuskizuna ere izan dute. Ikuskizuna ikusi bitartean, txokolate beroa hartzeko aukera eskaini dute Matxinbentako festen antolatzaileek.
Bihar, igandea, festak segida izango du Matxinbentan. Txistulariek goiz eresia eskainiko dute aurrena. Ondoren, itxulapikoak puskatzeko parada izango dute haurrek; eta, 11:45ean pilota txapelketa jokatuko dute Ilunpeko pilotariek. 12:30ean, aldiz, herri kirol erakustaldia izango da. Festei bukaera emateko, otarraren zozketa egingo dute, eta Itzeder eta Txibilter trikilariek girotuko dute auzoa.