Igor Etxaniz aguaziltxo bezala irten da aurtengo kalejiran, Lorentxo Etxaniz
Kinttela osaba ordezkatuz. 32 urtez jarraian izan da
Kinttela Azpeitiko aguaziltxoa, eta ilobari utzi zion postu hori joan den urtean. Abenduan hil zen
Kinttela, gaixotasun baten eraginez. Gaur, ostirala,
omenaldia egin diote Udal Musika Bandaren kontzertuan, eta pasodoblea eskaini diote. Izan ere, harentzat sortu dute abesti bat.
Urtero bezala, mandazainekin eta Udal Musika Bandarekin egin du kalejira aguaziltxoak. Alde Zaharrean ibili dira, eta zezen plazara joan dira handik.
