Occi di Farfalla taldearen diskoaren azala
Ekitaldi berezia egingo dute igande honetan Loiolan. I. Ipurtargi Fest jarri diote izena, eta 11:00etatik aurrera, egun osoko egitaraua prestatu dute. Batetik, 11:00etatik aurrera eskualdeko artisauak egongo dira Loiolako zelaietan, euren lanak erakutsi eta saltzen.
14:00ak aldera, berriz, piknika egingo dute. Antolatzaileek azaldu dutenez, norberak eraman beharko du jatekoa. Tarte horretan zuzeneko musika egongo dela jakinarazi dute. 18:00etan Ekain pailazoaren emanaldia izango da, eta 20:00etan afari beganoa egingo dute. Azpeitiko Gaztetxeko sukaldariak ibiliko dira afaria prestatzen. Gainera, gogorarazi dute hori izango dela ikasturte honetako azken jantoki begetarianoa. Ondoren, 21:30ean, berriz ere zuzeneko musika egongo da, Occi di Farfalla zarauztarren kontzertuarekin.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide