Atxikimenduak jasotzen jarraitzen du Orkatzek

Azpeitiko gazteek argazkia atera zuten atzo, Orkatz ez itxi lelopean. Atxikimenduak jasotzen jarritzen du Orkatzek. Atzo, ostirala, agerraldi jendetsua egin zuten herriko eragileek Sanagustin kulturgunean, eta han irakurritako testua bere egin dute herriko beste zenbait eragile, komertzio eta taldek. Haien artean da Azpeitiko EAJ talde politikoa. Atzo arte, bat egin zuten adierazpenarekin, Kultur Mahaiko Talde Eragileak, 127 tabernari eta merkatarik, ELA eta LAB sindikatuek, Gaztetxeak, Ernaik, EH Bilduk, herri mugimenduko eragileek eta hainbat norbanakok. Elkartasun eta babes zabala ari da jasotzen Azpeitian Orkatz Kultur Elkartea, Espainiako Auzitegi Gorenak hura konfiskatzeko agindua berretsi eta ordu gutxira. Honakoa da eragile, komertzio, denda eta talde berriek bere egin duten adierazpena: "Orain dela 13 urte abiatu zen hainbat pertsona eta herriko tabernen aurkako auzia bere gorenera iritsi da. Espainiako auzitegi gorenak 101 elkarte bahitu eta bost pertsonari urtebete eta hamar hilabeteko kartzela zigorra ezarri die. Horien artean, gure herriko Orkatz Kultur Elkartea konfiskatu-bahitzeko agindua eman dute. Orkatz betiko ixteko agindu dute Espainiako auzitegiek. Hori dela-eta, hemen bildutako herriko eragile zein norbanakook honakoa adierazi nahi dugu:

• Hemen bildutako eragileok urteetan harreman zein elkarlan zuzena eduki dugu Orkatz Kultur Elkartearekin. Taberna edota ostalaritza kide gisa Alde Zaharra biziberritzen, kultur elkarte kide gisa herriko kultur dinamika indartzen, herriko kultur taldeen erakusleiho, herriko mugimendu desberdinen bitarteko edota herritarron elkargune. Aitortza honekin batera, gu guztion elkartasuna eta baes osoa eskaini nahi diogu Orkatz Kultur Elkarteari.
• Orkatz Kultur Elkartearen aurkako erasoa, bakearen eta konponbidearen aurkako eraso bezala ulertzen dugu.
• Azkenik, Orkatz Kultur Elkartearen alde egingo diren ekimenei gure atxikimendua adierazi nahi diegu eta herritarrak bertan parte hartzera gonbidatzen ditugu, bereziki larunbat honetan 19:00etan egingo den manifestazioan".

Honako eragileak batu zaizkio zerrendari: Azpeitiko EAJ talde politikoa Merkatari eta dendariak Iraye taberna Larrañaga zapata denda Koh Tao Ina kafetegi okindegia Sugai Tilin talan Patxo Erretegia Soregin gazte moda Igan Maite Kiribil ekodenda Maite Sagarna Bildain inmobiliaria UBBO gazte moda La primavera pizzeria Berdie taberna Esnaola Matxin xestoak Ortupedia Iñaki Ribero Koxk gozotegia Zabala Larrañaga kirolak Nerea Gurrutxaga parafarmazia Villegas arraindegia Azkoitia erlojutegia Kimu bat Cloes S.L. Ostadar optika Etxaun kioskoa Alzuaran Aliur kafetegia Urola Express Joxe Ramon harategia Maitane masajista Zubi Zaharreko musika taldeak Verrater Kaluse Fridays Crew Egurra ta Kitto Old Bridge Belar Txarrak Bellator Kasik Skandalue Ezinean Mondokane Amamantzako guapuek Ollaskue labin erreta