Nepalen aldeko kros solidarioa antolatu dute Azpeitian

Azpeitian hainbat eragilek bat eginda Nepaleko haurren aldeko I. Kros Solidarioa antolatu dute, datorren ekainaren 14rako, Azpeitiko Sanjuandegi auzoan. 0-8 urteko haurrek parte hartzeko aukera izango dute. Parte hartzearen  truk borondatea eskatuko dute, eta bildutako dirua Child Bright erakundearen bidez bideratuko dute Nepalera. Elkartasunezko kirol ekintza antolatzeko Xanjuandegi Auzolanean-ek, XEYE Atletismo taldeak eta herriko kooperazio talde desberdinek bat egin dute. Izena emateko egunak: - Ekainak 11, osteguna. 18:00etatik 20:00etara, Sanjuandegiko auzo lokalean. - Ekainak 14, igandea. 09:15etik aurrera Sanjuandegiko Jose Antonio Agirre plazan. Lasterketak, Sanjuandegiko Jose Antonio Agirre plazatik hasita. - 10:30ean, 2011 artekoak (heldu baten laguntzarekin), 200 metro. - 10:45ean, 2010-2009, 450 metro. - 11:00etan, 2008-2007, 650 metro. - 11:30ean, 2004-2003, 1.300 metro. - 11:45ean, 2002-2001, 1.950 metro.