Bera Bera talde donostiarrari 59-58 irabazi ostean, Zurt ISBko neskek beharrezkoa dute Ensino de Lugo talde galiziarrari gailentzea mailaz igotzeko.
Doi-doi irabazi dute Zurt ISB taldeko neskek gaurko partidua, Bera Bera talde donostiarraren aurka. 59 eta 58an gelditu da markagailua, eta indarrak oso berdinduta egon dira azken segundora arte. Espainiako Bigarren Mailara igotzeko, beharrezkoa dute biharko partidua irabaztea, Ensino de Lugo taldearen kontra. Beraz, bihar erabakiko da Iraurgi Saskibaloiko seniorren maila zein den, Azpeitiko kiroldegian, 12:00etatik aurrera.
Urola Kostako Hitza biharko partiduan izango da, eta aukera izango duzue proba Twitter bidez jarraitzeko, @ukHitza helbidean.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide