Eduki hau partekatzeko esteka arbelera kopiatu da.
Eneko Etxeberria eta Iñaki Portilla Azpeitiko Udaleko ordezkariek Jon Lapeirari oroigarria eman diote, SpainSkills 2015 lehiaketan urrezko domina irabazteagatik. SpainSkill lanbide heziketako ikasleentzat eginiko lehiaketa da. Bi proba egin ditu azpeitiarrak eta lehen postuan sailkatu da CNC Tornu eta Fresatzeko makinen arloan.
Jon Lapeira eta senideak izan dira udaletxean, eta Etxeberriak esan du "benetan eredugarria" dela Lapeirak eginikoa. "Beti esan dugu irakaskuntza eta formazioa gure etorkizuna direla", adierazi du alkateak. Hori dela-eta, "pozgarria" da udalarentzat omenaldia egitea, haren arabera. Makina Erraminta Institutuan, IMHn, ikasten du Lapeirak, fabrikazio-mekanikoko produkzioaren programazioko lehen mailan.