Kalejira koloretsuarekin hasi da Gazte Astea Azpeitian

Gaur, astelehena, hasi da Azpeitiko Gazte Astea, herrian zehar egin duten kalejira koloretsuarekin. 18:00ak inguruan Sanjuandegi auzotik hasi dute ibilbidea, eta gaztetxeraino egin dute bueltaxka. Bestalde, 18:30ean hasi da Gaztetxeak 10 urte mahai-ingurua. Aste osorako prestatu dituzte Azpeitiko gazteek ekitaldiak, eta herritarrek egunero, 18:30ean, izango dute hitzordua gaztetxean, hitzaldi, mahai-inguru edo bestelako ekitaldiren batekin. Horrez gain, bertso-trama, parodia eta bestelakoak ere prestatu dituzte.

Egitaraua

Apirilak 20, astelehena - 18:30ean, mahai-ingurua: Gaztetxiek 10 urte. Apirilak 21, asteartea: - 18:30ean, hitzaldia: Maitasun erromantikoa, Ainara Santamariaren eskutik. Apirilak 22, asteazkena: - 18:30ean, hitzaldia: TTIParen ondorioak, Mikel Oteroren eskutik. Apirilak 23, osteguna: - 18:30ean, La Casta Vasca liburuaren aurkezpena, Ahoztar Zelaietarekin. - 21:30ean, bertso trama. Apirilak 24, ostirala: - 20:00etan, saiheski-jana, plazan. - Ondoren, parodia Sangustinpean. Apirilak 25, zapatua: - 14:00etan bazkaria Gaztetxean. - Ondoren, Txarrantxari Agur eta Ohore.