Kantu Kontari izena duen emanaldia egin du gaur, larunbata, Azpeitiko Musika Bandak. Bandaren musikarekin batera, zinema eta zirkoa uztartu dira Soreasuko ikusentzunezkoan. Felipe Murillo aritu da ipuin kontalari, harekin batera tubarekin bakarlanean Agustin Jimenez azpeitiarrak jardun du. Gero, Aladdin filman oinarrituta jardun du bandak eta ekitaldiari bukaera Egun bat zirkoan-ekin eman diote. Orduan, Joxan Malvido Joselontxo pailazoak, Ekain Ibarguren eta Xanti Agirrezabala aktoreek eta Ignacio Arakistain piano jotzaileak hartu dute parte. Saio osoa zuzentzen Unai Frantzesena Azpeitiko bandaren zuzendariak jardun du.