Egitaraua
Urriak 5, larunbata
- Azkoitia. 20:00etan, Landarbaso eta Loinatz abesbatza eta Gerardo Rifon organo-jotzailea, Amabirjinaren Jasokundearen parrokian.
- Bergara. Felician Rosca organo-jotzailea, 20:00etan, Santa Marina parrokian.
Urriak 6, igandea
- Azpeitia. Donostiako Orfeoi Gaztea eta Geraro Rifon organo-jotzailea, 20:00etan, Loiolako basilikan.
Urriak 12, larunbata
- Azkoitia. Javier Simo tronpeta-jotzailea eta Loreto Aramendi organo-jotzailea, 20:00etan, Amabirjinaren Jasokundearen parrokian.
- Bergara. Landarbaso eta Loinatz abesbatzak eta Gerardo Rifon organo-jotzailea, 20:00etan, Santa Marina parrokian.
Urriak 13, igandea
- Azpeitia. Bernhard Marx organo-jotzailea, 20:00etan, Loiolako basilikan.
Urriak 19, larunbata
- Azpeitia. Organo ikasleen kontzertua, 11:30ean, Loiola basilikan.
- Azkoitia. 20:00etan, Frantisek Vanicek organo-jotzailea, Amabirjinaren Jasokundearen parrokian.
- Bergara. Bergarako Airean Ahots taldea, Maria Jesus Ugalde zuzendariarekin, eta Aitor Olea organo-jotzailea, 20:00etan, Santa Marina parrokian.
Urriak 20, igandea
- Azpeitia. Mariatxen Urkia sopranoa, Jon Aramendi tronpeta-jotzailea eta Jose Luis Frantzesena organo-jotzailea, Loiolako basilikan, 20:00etan.
Azkoitiko, Azpeitiko eta Bergarako elizak organo doinuz jantziko dituzte beste urte batez. Hiru herrietako udalek eta Gipuzkoako Foru Aldundiak hamalaugarren urtez antolatu dute egitasmoa, eta aurten ere eskualdeko musikariek ez dute hutsik egingo. Jon Aramendi tronpeta-jotzaile eta Jose Luis Franzesena organo-jotzaile azpeitiarrek eskainiko dituzte kontzertuak. Horrez gain, organo ikasleen kontzertua ere izango da Azpeitian.
Aurrekontu txikiagoarekin, antolatzaileek kontzertu kopurua murriztu egin dute, eta lau astetik hirura mugatu dute organo zikloa. Dena den, kalitateari eutsi diotela nabarmendu dute. «Organo zikloa erreferentea da, eta nahiago izan dugu honen kalitate altua mantendu ahal izateko kontzertuak gutxitzea», adierazi dute antolatzaileek. Partaideen artean, Rosca, Vanicek eta Marx nazioarteko organo-jotzaileak nabarmendu dituzte. Hasieratik zikloak aurrekontu txikiarekin maila altuko musikariak erakartzea lortu duela gogoratu dute. «Horrek lan handia egitea eta adi egotea eskatzen du».
Bidanian, azpeitiarrak
Bidaniako San Bartolome parrokian, bestalde, organoa zaharberritzen aritu dira azken urtean. Lanak amaituta, gaur inauguratuko dute, hainbat azpeitiarren eskutik. Jon Aramendi tronpeta-jotzaileak eta Jose Luis Franzesenak eskainiko dute kontzertua, Mariatxen Urkia sopranoarekin batera. 19:00etan izango da kontzertua, eta hainbat artistaren abestiak eskainiko dituzte.
