Larunbatean Azpeitian elkartu ziren fanzine zaleak, bertan ospatzeko Bigarren Fanzine Eguna. Gaztetxean "azoka alternatiboa" egin zuten arratsaldeko lehen orduan, musikak eta ikus-entzunezko proiekzioek lagunduta. Era guztietako fanzineak, formatu guztietako diskoak,
pin-ak, elastikoak... ikusteko eta erosteko aukera izan zuten bertaratu zirenek. Arratsaldean hainbat musika taldek Urtzi eta Txarrantxa tabernetan kontzertuak eman zituzten, eta gauean kontzertu gehiago izan zen gaztetxean bertan.
