Atzo iluntzen aurkeztu zuten Azpeitiko San Silbestre lasterketa. Aurtengo korrika saioa hamaikagarrena izango da, eta
aurkezpenean izan ziren probaren nondik norakoak ematen antolatzaileak eta laguntzaileak: hain zuzen ere, Azkoitia-Azpeitia Xeye Atletismo Taldeak antolatzen du, Azpeitiko Udalaren babesarekin eta Urola Kostako Hitza laguntzaile dela. Irudian, atzoko aurkezpeneko une bat: ezkerretik hasita, Leire Ventas Urola Kostako Hitzako zuzendaria, Agustin Jimenez Azkoitia-Azpeitia Xeye Atletismo Taldeko kidea eta, eskuinean, Manuel Unanue Azpeitiko Udaleko Kirol zinegotzia.