Kodaore judo taldeak ikasturte amaierako erakustaldia eskaini zuen atzo, ostirala, herriko plazan. 19:00etan hasi zuten saioa, eta eskolako ikasleek nahiz irakasleek ikasturtean zehar ikasitako teknikak eta abileziak erakutsi zituzten azkoitiarren aurrean. Jende mordoxka elkartu zen plazan jarritako tatami horiaren bueltan, eta kanpokoek bezainbeste gozatu zuten arratsaldeaz haren gainean aritu ziren Kodaoreko 50 bat lagunek.