Azkoitiko kaleak kantuz piztuko dituzte bihar, osteguna, Floreaga ikastetxekoek. Zortzigarrenez aterako dira ikastetxeko horretako kideak kantu jira egitera. 18:30ean Balda plazan elkartuko dira, eta han hasita, herriko kaleak kantuz eta musikaz girotuko dituzte.
Ohi bezala, gurasoak, guraso ohiak, ikasleak eta irakasleak aterako dira kalera. Alde Zaharrean zehar ibiliko dira, eta plazarik esanguratsuenetan egingo dituzte geldialdiak, euskal kantak abesteko. Ikastetxeak dei egin die herritarrei, kantu jiran parte hartzeko gonbidapena luzatuz.