Azkoitiko Oteiza pilota elkarteak antolatuta, 51. Atano III.a Buruz Buruko Pilota Txapelketaren finalak jokatuko dituzte etzi, zapatua, Gurea pilotalekuan. 10:00etan hasiko dira lehiak herriko frontoian, eta guztira, haurren mailetako zazpi final jokatuko dituzte.
Aurten, 51. aldia izan du txapelketak, eta guztira, 81 pilotarik parte hartu dute lehian. Aurre-benjaminen, benjaminen, kimuen eta haurren mailako partidak jokatu dituzte urtarrilaren 27az geroztik Gurean, eta horietan gehien nabarmendu direnek izango dute zapatuko hitzorduan jokatzeko aukera.
Hona hemen zapatuko finalen zerrenda:
- Aurre-benjaminak:
- Ander Iturralde - Imanol Arrieta
- Benjaminak B:
- Ian Aragoi - Oihan Lete
- Benjaminak A:
- Ekain Segurola - Aimar Azkune
- Kimuak B:
- Eki Elorza - Haize Aramendi
- Kimuak A:
- Lur Juaristi - Jon Azpiazu
- Haurrak B:
- Jurgi Subinas - Oihan Mendizabal
- Haurrak A:
- Ekain Juaristi - Denis Santos