Espainiako Poliziaren unitate mugikorra herritarren NAa eta pasaportea egiten zein berritzen ari da gaur, asteazkena, herriko plazan. 14:00etara bitartean, dagoeneko zehaztuta dauden 48 hitzordu eskainiko dituzte. NA eta pasaporte eskuratzeko, herritarrek tasak ordaindu beharko dituzte: 12 euro NAaren kasuan, eta 30 euro pasaportearenean.
Azkoitiko Udalak azaldu du bere asmoa dela zerbitzua hilero eskaintzea. "Hurrengo data itxitakoan jakinaraziko da, eta udalak hitzorduak hartzeko aukera zabalduko du berriro", azaldu du sare sozialetan.