Azkoitiko Andre Mariaren Jasokundeko Parrokiak antolatuta, hitzaldiak izango dira parrokian bertan bihar, astelehena, etzi, asteartea eta ostegunean, hilaren 26an. Garizumari lotutako hitzaldiak izango dira, eta hiru egunetako hitzorduak 19:00etan hasiko dira. Hain justu, Ion Arruti laikoa izango da hizlaria; eskola katolikoetan irakaskuntzako gotzain ordezkaria da Arruti, eta hark Laikoaren nortasuna eta misioa elizan nahiz munduan hitzaldia eskainiko du.
Bestalde, datorren zapatuan egingo du parrokiko taldeak erromesaldia Arantzazuko santutegira. Donostiako Elizbarrutiak egindako deialdiarekin bat egingo dute Azkoitiko Andre Mariaren Jasokundeko Parrokiakoek, eta hara joateko autobusa ari dira antolatzen bailaran. Autobus hori santutegi atariko aparkalekuraino joango da, bidea oinez egin ezin dutenei laguntzeko. Autobusean izena emateko epea zabalik dago parrokiako sakristian edota Kale Nagusiko Aranbarri drogerian.
Erromesaldia egin baino egun bat lehenago, ordea, ostiralean, Ama Nahigabetuaren oroimenezko meza egingo dute Jausoro auzoan dagoen San Frantzisko ermitako kaperan. 10:00etan hasiko da meza hori.