Azkoitiko Gazte Asanbladak (AGA) antolatutako binakako I. Pala Txapelketa hasi zuten atzo. Taldeak final zortzirenetako kanporaketarekin ekin dio txapelketari, eta Goiko Losa pilotalekuan lehiatu ziren atzo arratsaldean lehen bikoteak.
Guztira, hamasei bikotek parte hartuko dute txapelketan, eta otsaileko eta martxoko ostegun zein ostiraletan jokatuko dituzte norgehiagokak. Beraz, gaur ere izango dira txapelketa horren barruko partidak. Finala, berriz, martxoaren 14an, larunbatez, jokatuko dute. Izan ere, AGAk Kirol Egunak antolatu ditu asteburu horretarako, eta egun horien barruan izango da finala.
