Azkoitiko Gazte Asanbladak (AGA) antolatuta, boxeo eta K-1 borroka kirolen entrenamendu saioa egin dute gaur, zapatua, Elkargunean. 11:00etan hasi dute entrenamendua, eta 30 lagun baino gehiagok parte hartu dute hitzorduan.
Borroka kirol horiek maila guztietara doituta egin dituzte; bi kirol horiek sakonago ezagutzeko baliatu dute goizeko lan saioa. "Gabonetako egitarauaren barruan, doako eta kalitatezko aisialdia eskaini nahian antolatu dugu gaurko saioa, harremanak egiten eta elkarrekin gauzak antolatzen segitzeko asmoz", azaldu dute AGAko kideek.
