Azkoitiko Udaleko Gazteria sailak Gabonetarako antolatutako ekintzen barruan, Mari eta Montessori egurrezko mitologia jolasen parkea izango da bihar, ostirala, Elkarguneko Herriko Plaza aretoan. 11:00etatik 13:00etara eta 16:00etatik 20:00etara zabalduko dute gune hori haurrentzat.
Publiko guztiari zuzendutako jolasak aurkituko dituzte haurrek bihar Elkargunean, baina, nagusiki, hezkuntza propioa garatzen laguntzen duen Montessori materiala erabiltzeko aukera izango dute 0 eta 3 urteko umeek; txokoka antolatuko dute Elkarguneko areto hori. "Esperimentatzeko edota zentzumenak zein bizipenak manipulatzeko diseinatuta daude jolasak, eta horien erabilerak norbere izaera eraikitzen laguntzen die haurrei", azaldu du Gazteria sailak.