Azkoitiko Udaleko Gazteria sailak zehaztu du irailetik abendura bitarteko egutegia. Zenbait zerbitzuren zein ikastaroren hasiera datak, izen-emate epeak eta bestelako zenbait ekintzen berri eman du sailak.
Irailaren 1ean, astelehenez, irekiko dute Trebatzen lantegietarako izen-emate epea. Hain justu, hil horren 14ra arte egongo da zabalik Robotika eta Sormena lantegietan aritu ahal izateko epea; Robotika lantegia hilaren 22an hasiko da, eta irailaren 24an, Sormena lantegia. Bestalde, irailaren 15etik 19ra bitartean eman ahalko da izena Abarketatxo ludotekarako. Gazteria Zerbitzuek, ludotekak bezala, hil horren 22an hasiko dute ikasturtea, eta irailaren 23an zabalduko ditu ateak Artxamendi topalekuak.
Dena den, bestelako saio ugari izango dira datozen lau hilabeteetan Elkargunean. Irailaren 26an, nerabeei zuzendutako ongizate emozionalari buruzko Treba Nerabeak oinarrizko ikastaroa eskainiko dute han. Beste hiru saio ere lotu dituzte, ordea: urriaren 21ean, kuadrillen arteko saltsak izango dituzte aztergai; urriaren 28an, begirada kritikoari buruzko oinarrizko ikastaroa jasoko dute nerabeek; eta azaroaren 20an, fake news albisteei buruz jardungo dute solasean.
Urteroko hitzorduak ere izango dituzte aukeran nerabeek. Urriaren 13tik azaroaren 21era egingo dute Gazte Asteko kartel lehiaketa; urriaren 26an, Gau Beltzerako mozorro prestaketa egingo dute Trebatzen lantegian, eta abenduko oporraldian, Eguberrietako programazioari ekingo diote. Aurtengo urterako ere askotariko lantegiak eta ikuskizunak antolatu dituzte, eta Negunebai aisialdi eskaintzari eta Gazte Asteari lotutako ekintzak ere egingo dituzte. Urtea amaitu aurretik, ohi bezala, jolas parkea zabalduko dute Elkarguneko kantxa nagusian.
Hona hemen Gazteriaren iraila eta abendua arteko egutegia:
Irailaren 1etik 14ra:
- Trebatzen lantegietarako izen-ematea.
- Robotika astelehenetan (LH1-LH3 eta LH4-LH6)
- Sormena asteazkenetan ( LH1-LH3)
Irailaren 15etik 19ra:
- Abarketatxo ludotekarako izen-emate epearen irekiera.
Irailak 22, astelehena:
- Gazteria Zerbitzuen ikasturte hasiera.
- Abarketatxo ludotekaren ikasturte hasiera.
- Trebatzen: Robotika astelehenetan lantegiaren hasiera (LH1-LH3 eta LH4-LH6).
Irailak 23, asteartea:
- Artxamendi topalekuaren ikasturte hasiera.
Irailak 24, asteazkena:
- Trebatzen: Sormena asteazkenetan lantegiaren hasiera (LH1-LH3).
Irailak 26, ostirala:
- Ongizate emozionalari buruzko Treba Nerabeak oinarrizko ikastaroa.
Urriaren 13tik azaroaren 21era:
- Gazte Asteko kartel lehiaketa.
Urriak 21, asteartea:
- Ongizate emozionalari buruzko Treba Nerabeak saioa: kuadrillen saltsak.
Urriak 26, igandea:
- Gau Beltzerako mozorro prestaketa, Trebatzen lantegian.
Urriak 28, asteartea:
- Treba Nerabeak saioa: begirada kritikoari buruzko oinarrizko ikastaroa.
Azaroak 20, osteguna:
- Treba Nerabeak saioa: begirada kritikoa fake news albisteei.
Abenduak 20, zapatua:
- Eguberriak 2025 programaren hasiera: lantegiak, jolas parkeak, ikuskizunak, Negunebai ekintzak eta Gazte Astea.