Astelehenean hasi eta larunbatera arte, Gipuzkoako aldundiko Bide Azpiegituretako eta Lurralde Estrategiako Departamentuak Azkoitia eta Urretxu arteko GI-631 errepidean zorua birgaitzeko lanak egingo ditu eta, horren eraginez, errei bat itxi eta txandakako trafikoa antolatuko dute.
GI-631 errepidean, aurreratzeko hiru errei zatiaren amaiera (k.p. 27+800) eta Aitxuren kurba (k.a. 30+600) artean zorua birgaitzeko lanak egiten ari dira ekainaren hasieraz geroztik. Astelehenean lanen bigarren fasea hasiko dute, errodadura-geruza zabaltzea dakartenak. Lan hauek egunez egingo dituzte.
Trafikoa seinaleen bidez erregulatuko dute, eta lanek sei eguneko iraupena izango dutela aurreikusten du Bide Azpiegituretako eta Lurralde Estrategiako Departamentuak. Meteorologiak horretarako aukera ematen badu, beraz, larunbatean amaituko dute bigarren fasea.