Laja Summer azoka ari dira egiten Santa Kutz auzoko Laja jatetxean. Dozena bat artisauk askotariko produktuak jarri dituzte salgai eguerdian, eta iluntzera arte izango dituzte postuak zabalik. Haurrek, berriz, aurpegiak margotu ahal izango dituzte horretarako prestatu duten tailerrean. Musikazaleek, azkenik, zuzeneko emanaldiekin gozatu ahal izango dute gaur gauean, 22:00etan hasita.
Bihar, igandea, izango dute azokaren bigarren eguna. 12:00etatik 19:00etara zabalduko dituzte postuak artisauek, eta umeek 12:00etatik 18:00etara izango dute aurpegia margotzeko tailerra.